蕃薯:有營小食之選，抗癌又通便!

我:叫姨姨啦
姨甥b:...(唔理我，掛住玩)
我:阿b,食蕃薯好唔好呀？
姨甥b:呀！(即刻望住我，雙眼發光)呀呀呀！！！(加埋手舞足蹈)
我:(得戚地)好，叫姨姨先啦
姨甥b:……(回復自己玩既呆mode)(¬_¬)ﾉ......

到底蕃薯有咩咁吸引，可以令到我呢個又cool又呆既姨甥b雙眼發光?咩就係因為佢又甜又省鏡(講緊蕃薯肉D顏色呀)

到底蕃薯有咩營養?

一個迷你蕃薯(如圖中所示)，約重100克
熱量: 76卡路里
五穀:約1份(即如1/3碗飯)
脂肪:近乎零
纖維:約2.5克，這樣小小的一個，已等同1.5碗菜心纖維量!纖維可以令人飽肚d，咁就自然無咁易食過量，而且幫助通便，腸道健康可減少大腸癌機會，而蕃薯既天然色素，抗氧化力高，有非常好既抗癌作用!蕃薯亦含有豐富維他命C、E等，令皮膚靚D，並含有鉀質，有助去水腫。

但蕃薯甜甜地，用黎煮正餐又好似有點怪，所以可以下午茶時當小食，烚一個迷你版比自己食或者同阿B Share。煮粥比阿b時亦可加入，等bb大便好d。而我有時就鐘意用黎做早餐，烚2個蕃薯，壓開佢，再加1杯脫脂奶，飽肚又養顏!

究竟紫心同黃心蕃薯營養有無分別?蕃薯食落去甜，糖尿病人又食唔食得呢?

下次再講!